قصيده غزليه (دور وجهك)

دور وجهك فدوه عن عيني انعميت
انت وجهك موطبيعــــــــــــــــــــــي بنوره
سولفو عنك كبل ماصدكــــــــــــيت
ومـن شفت وجهك لكيته اسطــــــــــــوره
شنهي بابل شنهي سومر لوحجيت
وياهو هذا الراسم الزقـــــــــــــــــــــــوره
اور من طين انبنت وانت انبنيــــــت
من ضوه وظلك طلـــــــــــع حــــــــــــزوره
من تجي بتموز اظل ارجف عليـــك
تريد بجويـــــــريـــــد احس بحــــــــــــروره
تمشي موعالكاع جنك لومشيت
الناس كلهــــــــــــــــه تصيح وجهــك دوره
وكلهه تلتم من تجي وجنك ثواب
المايعرفك راح جاب اكـــــــــــــــــــــــدوره
اوكف اشويه اعله بختك مشتهيك
احجايه وادري بحضرتك محظـــــــــــــــوره
اطيني خدك ؟ها ولو؟زحمه عليك
خل اضوكه بريجي احس مــــــــــــــــروره
وصوره خل ناخذ سوه وبعدين اموت
عالاقل وياك ماخــــــــــــــــذ صــــــــــوره