راية العباس (ع)

ياهوالكال طاحت راية العباس
ماصدك خرافــــــــــــه وامشي بحجايه
ايه من الله ايه تكول طاحت ليش
ماطــــــــــــــــــــاحت اكلك؟ نزلت الايه
وبس عباس امس فسرهه للعباس
مــــــــــــــن جاب الفرات وماشرب مايه
بعيونه انرسم خط الشروع حسين
وجفوفــــــــــــــه الوسيله وزينب الغايه
وهذاك بكربله هالواكف العباس
ومكــــــــــــــــابل حسين وشايل الرايه
مرايه ومن وكف كدامهه العباس
موعباس بيهـــــــــــــــه حسين المرايه
...........
واقره الايه كلهه وارجع اقره انوب
عين وباء والف والسين يعنــــــــي انته
عباس وعلي وبالحرب ياعباس
كلك تبتسم للموت لــــــــــــــــوشفته
يالعينك علم والباء بسم الله
يعني الف رمــــــــــــح والغيره شايلته
سينك معجزه ومنهه انكتب تاريخ
تاريخ الوفـــــــــــــــــه العباس معجزته
واكف عالنهر والعطش يشرب بيك
وبايدك فرات ومايه مـــــــــــــــــاضكته
ولهذا السبب سموك راسك حار
وبعين الرجوله من الزلــــــــــــــم فلته
يالكلك كرم ومن الكرامه البيك
لجفوفك يجيك الماي لــــــــــــــــوردته
وبجفوفك امس جبت الفرات وجيت
وبمعنه الوفه المايدري علمـــــــــــــته
استسهلت العطش لمن ذكرت حسين
والعزت عليك شــــــــــــــــــوصتك بته
ظل همك ترد وسكينه تشرب ماي
بس شاء القدر بالماي مـــــــــــن جبته
يتحول سهم وبعينك يحــــــط ليل
ويبوك الكمر من عين عاشكـــــــــــــته
وظل بيك الوفه حته من اجاك الموت
رخصت النفس وبهيبه رافكتــــــــــــــه
وحسينك بقيت اعله العهد وياه
حد كطع النفس وفاي ماخـــــــــــــنته
وصلت للدفن جلبت بالدفان
يدفنكم ســـــــــــــوه وبحسين حلفته
كلبك مااطاك لكربله اتعنيت
تركــــــــــــــض بالنعش وحسين كابلته

عدد المساهمات : 8 تاريخ التسجيل : 15/07/2010

الله الله ... سلام الله عليك يا ابا الفضل...شكرا حبيبي