تــــــانــــيــــتــك

(تانيتك )



تانيتك تجي وتنور الـــــــدار
وناذر بس تجي بالروح اخليك
وأشيلك بالصلاه ماهدك بگاع
أخاف عليك لا...جدمك يزل بيك
ترف روحي عليك وگلبي ولهان
على دروبك گعدت انطر وأتانيك
وما يحتاج أباوع وأشغل العين
من تگرب يفز گلبي ويحس بيك
وأميزك من تجي من بين مليون
آنه بأسمي اشتبه ما أشتبه بيك
وشلون أني اشتبه وشتسوى العيون
ألمتعرفك حبيبي من آلاگيك
وكل يوم ألتعدى وأنت عني بعيد
أگضي الليل بس أبچي وأناديك
تانيتك تجي وتنور الدار
وناذر بس تجي بالروح اخليك
بعت كلشي وشريتك وانت زعلان
وبقى هدمي أبيعه وانت ترضى
غشيم أني وشريتك ذهب تيزاب
وتاليهه طلعت مو خوش فضة
غشيم أني حبيبي بشروتي هاي
بعدهي الروح ماتفتهم غضه
شتريتك وأعتقد بيك أني ربحان
شبيدي على الوكت كلمن وحظه
وما هو أول جرح للدهر بأعضاي
بيه من الدهر مية الف عضه
بالك لاتأمن للوكت دوم
يجي يوم ويعوفك باخس لحظه
تانيتك تجي طولت الغياب
وگلبي من القهر طاح وتشظه
ياقاسي احبك رغم كل الصار
وأنت بقسوتك محد لحگ بيك