قصيدة غزلية رائعه للشاعر المبدع احمد مطر

القصيده :

يبو شفايف عسل وسط البساتين

وغير شفايفي ما رادله

مثل شارع الروضه وحلت اطفال

شعرك عله متونك من تحله

عينك حمورابي ورمشك آشور

اذن عينك مسله بنص مسله

ويالـ طولك سواتر بالهجومات

وعله زنودك تشيل الجيش كله

طولك لو وكف والشعر شاله الريح

جن رفعه علم من تنتصر دوله

وراح احجيها الك بس الك مو للناس

وسر بيناتنه خليها الحجايه

تعرف ليش احبك راح اكلك ليش

لان طولك مناره بنص الولايه

شفتك عالنهر دنكت تشرب ماي

عبالي النهر دنك شرب مايه

عله خدود المرايه تمشط الحلوات

عله خدودك شعرها تمشطه المرايه